ಶುಂಠಿ ತಂಬಳಿ (Shunti Tambali)

ಹವ್ಯಕರಿಗೆ ಕೆಲವರು ತಂಬಳಿ ಜನ ಎಂದೂ ಕರೆಯುವದುಂಟು...ಹವ್ಯಕರಿಗೂ ವಿಧವಿಧವಾದ ತಂಬಳಿಗಳಿಗೂ ಅಷ್ಟೊಂದು ಅನ್ಯೋನ್ಯತೆ.

ಬೇಕಾಗುವ ಪದಾರ್ಥಗಳು:

• ಶುಂಠಿ -- 2 ತುಂಡು. (ಚೆನ್ನಾಗಿ ತೊಳೆದಿರಿ)
• ತೆಂಗಿನಕಾಯಿ ತುರಿ -- 1/2 ಕಪ್
• ಕಡೆದ ಮಜ್ಜಿಗೆ - 1 ಕಪ್
• ಉಪ್ಪು - 1 ಚಮಚ
• ಹಸಿ ಮೆಣಸು - 1

ಒಗ್ಗರಣೆ ಪದಾರ್ಥಗಳು:

• ಅಡುಗೆ ಎಣ್ಣೆ -- 2 ಚಮಚ
• ಒಣ ಮೆಣಸು -- 1 (ಮೆಣಸಿನ ಪುಡಿ ಬೇಡ. ರುಚಿ ಕೆಡುತ್ತದೆ.)
• ಸಾಸಿವೆ ಕಾಳು -- 1/2 ಚಮಚ
• ಕರಿಬೇವಿನ ಸೊಪ್ಪು -- ಅಂದಾಜು 6 ಎಲೆಗಳು

ತಯಾರಿಸುವ ವಿಧಾನ:1. ಶುಂಠಿ + ತೆಂಗಿನಕಾಯಿ ತುರಿ + 1 ಹಸಿ ಮೆಣಸು + ಸ್ವಲ್ಪ ನೀರು -- ಇವನ್ನು ಮಿಕ್ಸಿಯಲ್ಲಿ ನುಣ್ಣಗೆ ಬೀಸಿ ಇಟ್ಟುಕೊಳ್ಳಿ.
2. ಒಗ್ಗರಣೆ :

• ಚಮಚ ಅಡುಗೆ ಎಣ್ಣೆಯನ್ನು ಒಗ್ಗರಣೆ ಬಾಂಡ್ಲಿಯಲ್ಲಿ ಬಿಸಿ ಮಾಡಿ.
• ಅದಕ್ಕೆ ಒಣ ಮೆಣಸು + ಸಾಸಿವೆ ಕಾಳು + ಕರಿಬೇವಿನ ಸೊಪ್ಪು -- ಇವನ್ನು ಹಾಕಿ.
• ಸಾಸಿವೆ ಕಾಳು ಚಿಟಿಪಿಟಿ ಸದ್ದು ಮಾಡಲು ಶುರು ಮಾಡಿದಾಗ ಗ್ಯಾಸ್ ಬಂದು ಮಾಡಿ.

3. ಮೇಲೆ ಹೇಳಿದ ಮಿಶ್ರಣ + ಕಡೆದ ಮಜ್ಜಿಗೆ + ಉಪ್ಪು + ಒಗ್ಗರಣೆ
೪. ಚೆನ್ನಾಗಿ ಕಲಕಿ, ಉಪ್ಪು ಬೇಕಾದರೆ ಹಾಕಿಕೊಳ್ಳಿ.

ತಂಬಳಿಯ ಬಗ್ಗೆ ಇತರೆ ಮಾಹಿತಿಗಳು:

• ಮಾಡಲು ಬೇಕಾಗುವ ಅಂದಾಜು ಸಮಯ -- 10 ನಿಮಿಷಗಳು.
• ಫ್ರಿಡ್ಜ್ ನಲ್ಲಿ ಇಟ್ಟು ಮರುದಿನ ಬಳಸಬಹುದು.