ಜೀರಿಗೆ ತಂಬುಳಿ / jeerige tambli

ಬೇಕಾಗುವ ಪದಾರ್ಥಗಳು : 

  

1.  ಜೀರಿಗೆ - ೧ ಚಮಚ
2. ಕೆಂಪು ಮೆಣಸು - ೪
3. ತೆಂಗಿನ ತೂರಿ - ೨ ಚಮಚ
4. ಮೊಸರು  - ೧ ಲೋಟ
5. ಸಾಸಿವೆ - ೧/೨ ಚಮಚ 
6. ಕರಿಬೇವಿನ ಎಲೆ - ೫-೬
7. ತುಪ್ಪ - ೧ ಚಮಚ 
8. ಇಂಗು - ಚಿಟಿಕೆ
9. ಉಪ್ಪು - ರುಚಿಗೆ

ಮಾಡುವ ವಿಧಾನ : 

• ಮೊದಲು ಒಂದು ಚಮಚ ತುಪ್ಪದಲ್ಲಿ ತೆಂಗಿನ ತುರಿ, ಜೀರಿಗೆ ಹಾಗು ಕೆಂಪು ಮೆಣಸನ್ನು ಸ್ವಲ್ಪ ಕೆಂಪಗೆ ಹುರಿದುಕೊಳ್ಳಿ.
• ನಂತರ ಈ ಮಿಶ್ರಣವನ್ನು, ಸ್ವಲ್ಪ ನೀರು ಸೇರಿಸಿ, ನುಣ್ಣಗೆ ರುಬ್ಬಿಕೊಳ್ಳಿ.
• ಇದಕ್ಕೆ ಮೊಸರು, ಉಪ್ಪು ಸೇರಿಸಿ ಮತ್ತೊಮ್ಮೆ ರುಬ್ಬಿ.
• ರುಬ್ಬಿದ ಮಿಶ್ರಣವನ್ನು ಒಂದು ಬಟ್ಟಲಿಗೆ ಹಾಕಿ.
• ತುಪ್ಪದಲ್ಲಿ ಸಾಸಿವೆ, ಇಂಗು, ಕರಿಬೇವಿನ ಎಲೆ ಹಾಕಿ ಒಗ್ಗರಣೆ ಮಾಡಿಕೊಂಡು, ಮೇಲಿನ ಮಿಶ್ರಣಕ್ಕೆ ಸೇರಿಸಿ.

ಉಪಯುಕ್ತ ಮಾಹಿತಿ :

• ಇದನ್ನು ತೆಳುವಾಗಿ ಮಾಡಿಕೊಂಡಲ್ಲಿ ಕುಡಿಯಲೂಬಹುದು.
• ಜೀರ್ಣಕಾರಿಯೂ ಹೌದು.

ಕೃಪೆ: ಸೌಮ್ಯ ಹೆಗಡೆ